اولا اعذرونى لعدم ترتيب الافكار فهيا تخرج منى مباشره دون تخطيط...وكمان غالبا هتكون بالعاميه مش لانى لم اتقن اللغه نحويا ولاكن احب اكتب كانى بكلمكم
اولاانت معنكيش كرامه؟؟؟ اعتقد ان مفهوم الكرامه نوعين كرامه دين وكرامه دنيا وهوضح ده ابدا بكرامه الدين وخير البدايه تكون من كلام الله سبحانه وتعال قال الله... وليعفوا وليصفحوا ألا تحبون أن يغفر الله لكم والله غفور رحيم } النور
وما زاد الله عبدا بعفوا الاعزا,وما تواضع احد لله الا رفعه الله"وقال رسول الله صلى الله عليه وسلم..
اولا احب اقول مفهوم الكرامه من ناحيه الدين مش انى اجرح حد بحبه ولكن انى اروح اصالح حد بحبه جرحنى ومش هقول لاء كرامتى بالعكس هيا دى كرامتى هنا هرضى ربى اما كرامه الدنيا اخاصم صحبتى وعمرى ماروح اصالحها ليه علشان كرامتى هنا اقول لكى اختى
الغاليه هنا تخسرى كرؤامتك مش بتحافظى عليها زى ماانتى بتقول وانا اقول لكى هنا اقول ده مش كرامه ..تواضعى اختى.........
تواضع تكن كالبدرلاح لناظره على طبقات الأرض وهو رفيع ولا تكن كالدخان يعلوا تكبرا على طبقات الجو وهو وضيع..
والله والله اقسم لكى ان كرامتك باخلاقك انك دائما تبادرى بالسلام
وكنت قرئت مقوله عجبتنى وبتقول اقطع لسان عدوك بسلامك عليه فمبال دى مش عدوتك دىاختك فى الله حبيبتك وقال الله تعال ..ادفع بالتى هى احسن فاذا الذى بينك وبينه عداوه كانه ولى حميم...وده العدو وليس الصديق الحبيب اوعى تنتظرى انها هياالى تجى تصالحك ولو اكتشفتى انها عامللك اوفلاين على الاميل مثلا طبعا انتو عارفين انالمواقع والبرامج الى بتكشف الحاجات دى مفيش اكتر منها...اوعى تحرجيها وتقوليلها اعملى نفسك مش عارفه ممكن تكون مشغوله ممكن تكونى ممله سورى يعنى وهيا مش بتحب تكبلم معاكى عادى دى حريه شخصه وكمان متزعليشى ولكن ابعتلها كل فتره رساله طمنينى عليكى اختى الغاليه ....والله كده كرامتك بتزيد ابتسمى دائما فى وجهه الى ظلمك حتى لوكان جوه قلبى نار والله سيحولها الله برادا على قلبك لانك تبتغى رضا الله ومتنظريش شكرا واو رد الصلح بصلح وارد جدا تقابلى بصد متزعليشى وتقولى انا الى ضيعت كرامتك ..قولى انا لااريد منهم جزاء ولاشكورا انما اريد رضا ربى والله سيرضيكى ربك...حبيبتى لو مزعله حد واو حد زعلان منك حالا ابعتيله رساله جميله ولا تنتظرى الرد ولم محصلش رد كمان شويه ابعتى رساله تانيه ولاتملى فتاكدى انك بتاخدى ثواب ودائما تخلقى باخلاق القران الكريم ...
وهذه قصه جميله تعلمك ازاى يكون خلق القران
كان عند ميمون بن مهران ضيف فاستعجل على جاريته العشاء فجاءت مسرعة ومعها قصعة مملوءه فعسرت واراقتها على رأس سيدها ميمون فقال : ياجارية أحرقتينى؛ فقالت: يامعلم الناس الخير ومؤدب الناس ارجع الى ما قال الله تعالى(( والكاظمين الغيظ)) قال : لقد كظمت غيظى.
قالت: (( والعافين عن الناس)) قال : قد عفوت عنك. قالت : زد فإن الله تعالى يقول (( والله يحب المحسنين)) قال: أنت حرة لوجه الله.....
دى اخلاقنا نحن المسلمين قومى حالا صالحى صاحبتك اختك امك اى حد
بس اوعى تتطبقو الكلام ده ..البت مع الشاب ولا الشاب مع البت هنا اقول كده ياحلوه بتحطى كرامتك تحت رجليه ولكن هنا كرامته ان تتركى امرك الله وتتركيه لوجه الله وان كان خير سياتى الله به لك
ومن ترك شىء لله عوضه خيرا منه هذا والله اعلم ....ودى فضفضه احب اقولكم ان اكتر واحده اتقلى انتى معندكيش كرامه بس انا لم اتغير لان اريد ورضا الله من ارضى الله بسخط الناس رضى الله عنه وارضى عنه الناس ومن ارضى الناس بسخط الله سخط الله عليه واسخط الناس عليه ولانا لااباهى بنفسى ولكن ارى ان كرامتى فى السماء ....وان والله الناس تحبنى جدااا والحمد الله وهذا فضل من ربى ....
معلشى تقبلو فضفضتى..
واساللكم الدعاء ان يرضى الله عنا وان يوفقنى للخير دائما
بقلم(ايمان هاشم)
